Asociación O Portavezal

O venres 18 de decembro tivo lugar na Casa da Cultura de Cuntis a presentacion oficial do folleto da ruta de sendeirismo da ponte do ramo.

Grazas á Concellaría de Turismo do Concello de Cuntis puido levarse a cabo este acto no que se presentou ademais o folleto doutra senda e informouse das obras que vai acometer o concello no lugar de Gumiarei para a creación dunha zona de lecer e unha pequena senda fluvial segundo anunciou Belén Pazos.

Dende agora a Senda Peonil da Ponte do Ramo (PRG-123) promovida por esta asociación, conta cun folleto explicativo que vai ser distribuído pola Concellaría de Turismo entre as oficinas de turismo e os establecementos turísticos da comarca.